INAMA NYUNGURANABITEKEREZO KU BUFATANYE NA SAIP

Inama nyunguranabitekerezo ku bufatanye bw’Akarere ka Nyabihu n’Umushinga SAIP (Sustainable Agriculture Intensification Project) yateranye kuri uyu wa gatatu, tariki ya 19 Gashyantare 2020. Iyi nama yari itumiwemo Abanyamabanga Nshingwabikorwa b’Imirenge ya Mulinga na Rambura, Abakozi bashinzwe imibereho myiza n’iterambere by`abaturage(SEDOs) baturuka mu Mirenge ya Mulinga na Rambura, abahagarariye amakoperative y’abahinzi, MINAGRI/ District Agriculture Inspector ukorera mu Karere ka Nyabihu.

Iyi nama nyunguranabitekerezo yari igamije kugaragariza abayitabiriye ibyo bamaze kugeraho mu kuzamura ubuhinzi bw’imboga, ibirayi, ibigori, ibishyimbo; kongerera ubushobozi inzego z’abahinzi, kuvugurura ubuhinzi no kugira imirire myiza. Abahinzi kandi bagobwa kongererwa ubushobozi muri gahunda yo kuhira imyaka no gukoresha amazi yo kuhira mu buryo bwiza, guhuza abahinzi n’amasoko no gufasha mu gutunganya umusaruro; gutubura ingemwe z’ibinyomoro, ingemwe z’avoka n’izindi.

Inama yayobowe n’Umuyobozi w’Akarere ka Nyabihu Wungirije Ushinzwe Iterambere ry’Ubukungu, Bwana Habanabakize Jean Claude ari kumwe n’Umuyobozi w’Umushinga SAIP, Madamu Batamuriza Dorothee.