Inama nyunguranabitekerezo igamije ikusanyamakuru ku Igenamigambi ry’Akarere ka Nyabihu mu mwaka wa 2020-2021 yateranye kuri uyu wa gatanu, tariki ya 15 Ugushyingo 2019, mu cyumba cy’inama cy’Akarere ka Nyabihu. Iyi nama yitabiriwe kandi iyoborwa n’Umuyobozi w’Akarere ka Nyabihu, Madamu Mukandayisenga Antoinette. Inama yitabiriwe kandi n’ abagize Inama Njyanama y’Akarere, ka Nyabihu, abagize Komite Nyobozi y’Akarere ka Nyabihu, abahagarariye inzego z’Umutekano, intumwa y’Intara y’Iburengerazuba(JADF Coach), abafatanyabikorwa bakorera mu Karere ka Nyabihu,Umuyobozi w’ibitaro bya Shyira, Abanyamabanga Nshingwabikorwa b’Imirenge, uhagarariye Abanyamabanga Nshingwabikorwa b’Utugari, uhagarariye Abakuru b’Imidugudu, abayobozi b’amashami y’imirimo mu Karere, abakozi ku rwego rw’Akarere, abahagarariye CNF, CNJ na PWDs, abayobozi b’Inama Njyanama z’Imirenge, Radiyo y’abaturage ya Musanze..

Abitabiriye inama baganiriye ku ngingo zitandukanye,

Kugaragaza ibitekekerezo byavuye mu baturage byazashyirwa mu bikorwa byihutirwa by’ umwaka wa 2020-2021,

Kugaragarizwa imishinga yakwitabwaho,

Kuganira ku bibazo bibangamiye imibereho myiza y’abaturage(Human Security Issues) no kureba uruhare rw’abafatanyabikorwa bibumbiye muri JADF Inkingi/Nyabihu.

Nyuma yo kugaragarizwa ibyateganyijwe ndetse n’uruhare rw’abatanyabikorwa, abitabiriye inama bahawe umwanya wo gutanga ibitekerezo no kugaragaza uruhare rwa buri wese kugira ngo iri genamigambi rigerweho.