Umuyobozi w’Akarere ka Nyabihu, Madamu Mukandayisenga Antoinette, yakiriye kuri uyu wa kane, tariki ya 23 Mutarama 2020, Bwana Khalilou BA (1er Adjoint Maire de la Commune de Gandou au Senegal du Nord), waje muri gahunda y’Abayobozi 13 b’Uturere baturutse mu Gihugu cya Senagali (Senegal) bari mu rugendoshuri mu Turere dutandukanye tugize Igihugu cy’u Rwanda.

Nyuma yo kwakirwa n’abayobozi b’akarere ka Nyabihu, uyu mushyitsi yakoranye inama n’abagize Komite Nyobozi y’Akarere, abahagarariye inzego z’umutekano, bamwe mu bakozi b’Akarere: aho baganiriye ku ngingo zitandukanye, harimo

Kwerekana mu magambo make imiterere y’akarere,

Gusobanurira umushyitsi gahunda za Leta y’u Rwanda n’aho rugeze rwiyubaka nyuma ya Jenoside yakorewe abatutsi mu mwaka w’1994

Gusobanurira umushyitsi mukuru uko inzego za Leta zubatse mu Karere

Gusobanurira umushyitsi imibereho y’abaturage b’Akarere ka Nyabihu muri rusange.

Umushyitsi na we yasobanuye ikibagenza mu nshamake ko ari “Urugendoshuri bajemo mu Rwanda rwo kureba aho Iguhugu kigeze cyiyubaka nyuma ya Jenoside yakorewe abatutsi mu w’1994 ndetse no kureba uko ibishingwe (imyanda) yo mu Rwanda yabyazwa umusaruro”, asobanura uko inzego za Leta ya Senegal zubatse, uko serivisi( Service) zitangwa ndetse n’iterambere ry’Igihugu cya bo muri rusange,

Akarere ka Nyabihu kageneye umushyitsi impano, hafatwa n’ifoto y’urwibutso.