Minisitiri w’Urubyiruko, Hon. MBABAZI RoseMary MUGISHA, yasuye Akarere ka Nyabihu, kuri uyu wa 16/11/2018, yakiriwe n’umuyobozi w’Akarere, Mrs MUKANDAYISENGA Antoinette, ari kumwe n’abayobozi batandukanye ku rwego rw’Akarere. Uyu muyobozi akigera mu Karere yabanje kugirana inama n’abagize Komite Nyobozi y’Akarere ka Nyabihu, abagize inzego z’umutekano n’abakozi b’Akarere, iyo nama yari igamije muri make, gukangurira abayobozi bari bayiteraniyemo, guharanira guteza imbere urubyiruko. Iyi nama yabereye mu cyumba cy’inama cy’Akarere. Nyuma y’inama, Hon. Minister w’Urubyiruko n’abayobozi batandukanye basuye Agakiriro ka Jenda, gaherereye mu MUrenge wa Jenda, gakorerwamo imirimo y’ubukorikori nk’ububaji, gusudira.. Nyuma y’aho aba bayobozi basuye ikigo cy’urubyiruko cyitwa MIJEUNE, gikorera mu Murenge wa Karago, Akagari ka Cyamabuye, Umudugudu wa Kinyanja. Hasuwe nanone inzu yo gucururizwamo ibikorerwa mu Karere ka Nyabihu (Show house) ikorera mu Murenge wa Mukamira. Hasuwe kandi inzu izajya yogerezwamo umusaruro wa Karoti, yubatse mu Murenge wa Mukamira. Minisitiri w’Urubyiruko n’abayobozi bari kumwe basuye nanone Ishuri rya TVET riherereye mu Murenge wa Mukamira. Abayobozi basuye Stand y’ibikorwa by’urubyiruko byamurikiwe mu cyumba cy’inama cy’Akarere, aho uru rubyiruko rwerekanye ibikorwa bitandukanye rukora muri gahunda yo kwiteza imbere, birimo; Imitako Ubworozi bw’inkoko za kijyambere Imyambaro… Nyuma yo gusura ibikorwa mu Karere ka NYabihu, Hon. Minister yagiranye inama n’inzego zihagarariye urubyiruko kuva ku Kagari kugera ku Karere. Iyi nama yitabiriwe n’urubyiruko rugera kuri 285. Abitabiriye inama bahawe urubuga rwo gutanga ibitekerezo ku iterambere ryabo, baganira no ku bibazo bibugarije.